წარმოდგენილი ნაშრომის მიზანია ქართულ მედიაში აბორტის თემის გაშუქების შესწავლა და აბორტის სტიგმისა და მისი პარამეტრების შეფასება. ამ მიზნით მოხდა ქართულ პოპულარულ (არასემეცნიერო) ჟურნალ-გაზეთებში შესაბამისი სტატიების მოძიება რეტროსპექტულად (2010-2018 წწ) და განხორციელდა მათი კონტენტ ანალიზი.

 

საქართველოში მედია აბორტის თემას დიდი ყურადღებას უთმობს. სულ კვლევის ნაწილში გაანალიზდა 37 სტატია.

 

მედია, დიდ როლს თამაშობს საზოგადოებაში აბორტის სტიგმის ფორმირებასა და გაძლიერებაში. ჩვენს შერჩევაში მხოლოდ 27% (n: 10) სტატიებისა იცავდა ობიექტურ ენობრივ სტანდარტებს. სტიმგის გაძლიერების პრაქტიკა განსაკუთრებით შეინიშნებოდა ინტერვიუებში, როდესაც რესპონდენტის მიერ დაბალანსებული პოზიცია იყო გაჟღერებული, ხოლო ჟურნალისტის მიერ ხდებოდა ან მასტიგმატიზირებული/ექსტრემალური ენის გამოყენება (“აბორტი მკვლევლობაა”, “ეს ხომ სიველურეა”), ან სტატიისთვის შერჩეული სათაური იყო მკვეთრად მასტიგმატიზირებელი (“5 დღე შვილის მოკვლის გადაწყვეტილების მისაღებად” და სხვა), ან გამოყენებული იყო ასეთი ვიზუალური მასალა.

 

დეტალურად კვლევის მეთოდოლოგიისა და შედეგების შესახებ შეგიძლიათ იხილოთ დოკუმენტში.

​​