აივ ინფექციის გადადების გზები

​

• აივ ინფექციის გადადების გზები

• აივის გადადება მხოლოდ მაშინ ხდება, როდესაც პიროვნებას ინფექციის მატარებელი ადამიანის ფლუიდებთან აქვს შეხება (მაგ: სისხლი, სპერმა, მშობლის რძე).

• აივის გადაცემა დაუცველი სექსის, ან ინტრავენური მოწყობილობების გაცვლის შედეგადაც ხდება, გადადის დედიდან შვილზე, ორსულობისას, მშობიარობისას და ძუძუთი კვების დროს, ასევე დაინფიცირებული სისხლის გადასხმის შემთხვევაში.

• სექსის დროს კონდომის გამოყენება, ან პრეპის (PreP) სისტემატური მიღება აივ ინფექციის გადადებისგან დაგიცავს.

• თუ ახალი დედა ხარ, ან შვილს ელოდები, აივზე მკურნალობა და გაზიარებული ინტრავენური მოწყობილობების გამოყენებისგან თავის შეკავება (თუ ნარკომომხმარებელი ხარ) შენ და გარშემომყოფებს აივ ინფექციისგან დაგიცავთ.

• ეფექტურ მკურნალობას შეუძლია აივ ინფექციის მატარებელი ადამიანის ორგანიზმში ინფექციის დონის დაწევა ისე, რომ სისხლის ანალიზში არ გამოჩნდეს. ეს ნიშნავს, რომ ამ ადამიანს აივის გადაცემა არ შეუძლია.

​

​

აივი ვირუსის მატარებელი ადამიანის ფლუიდებში ცხოვრობს:

​

• სისხლში,

• სპერმასა და პრე-ეაკულაციურ სითხეში,

• სწორი ნაწლავის სითხესა და ანალურ ლორწოში,

• ვაგინალურ ფლუიდებში,

• მშობლის რძეში.

​

იმისთვის, რომ ადამიანს აივი გადაედოს, საჭიროა ეს ფლუიდები ლორწოვანი მემბრანის (მაგ: ვაგინისა და სწორი ნაწლავის კედლებს, ან პენისის თავის), გაზიარებული ინტრავენური ხელსაწყოების, ან დაზიანებული კანის მეშვეობით (მაგ: იარები, და წყლულები პირში, ან ნაკაწრები ანუსის გარშემო) სისხლში მოხვდეს.

​

სხეულის სხვა ფლუიდებში, მაგალითად ნერწყვში, ოფლსა და შარდში, საკმარისი რაოდენობის აივ ინფექცია არ არის, რომ სხვა ადამიანს გადაედოს.

​

როდესაც აივ დადებით პირს ვირუსის დაუდგენელი დონე აქვს, ეს ნიშნავს, რომ მკურნალობის შედეგად სისხლში ვირუსის რაოდენობამ მნიშვნელოვნად დაიწია და ვისრუსი ჩვეულებრივ სისხლის ანალიზებში აღარ ჩანს. ასეთ აივ-დადებით ადამიანებს ვირუსის სხვისთვის გადადება არ შეუძლიათ.

​

ადამიანს, ვისი აივის დონეც სისხლის ანალიზებში ჩანს, ვირუსის გადაცემა შეუძლია, განურჩევლად იმისა, ამჟღავნებს სიმპტომებს, თუ არა.

​

აივის გადადების მთავარი გზებია:

 

სექსი კონდომის გარეშე

• დაუცველი ვაგინალური, და/ან ანალური სექსის შედეგად (რაც ნიშნავს სექსის ქონას კონდომის/ბარიერული თავდაცვის საშუალების გარეშე) აივ დადებით ადამიანთან.

​

ინტრავენური ხელსაწყოს გაზიარებით

• აივ დადებით ადამიანთან ნემსების, შპრიცების, ან სხვა ხელსაწყოების გაზიარებით, რომლებიც წამლის მოსამზადებლად, ან გამოსაყენებლად იხმარება.

​

დედიდან შვილზე გადაცემით, ორსულობის, მშობიარობის, ან ძუძუთი კვების შედეგად

• აივის მატარებელ მშობელს შვილისთვის ვირუსის გადაცემა სისხლით შეუძლია, ორსულობისას, ან მშობიარობის პროცესში, ასევე ძუძუთი კვების დროს.

​

დაინფიცირებული სისხლის გადასხმისას, ან ორგანოებისა და ქსოვილის გადანერგვის დროს

• აივის გადადება შესაძლებელია დაინფიცირებული სისხლის გადასხმის, სისხლის მატარებელი პროდუქტების, ან ორგანოებისა და ქსოვილების ტრანსპლანტაციის შედეგად. თუმცა, ამის რისკი საკმაოდ დაბალია, ვინაიდან ბევრ ქვეყანაში სისხლის პროდუქტებს აივზე ამოწმებენ.  

​

თუ ფიქრობ, რომ აივის გადადების რისკის წინაშე ხარ, ამის დანამდვილებით გარკვევის ერთადერთი გზა აივის ტესტის გაკეთებაა.